კლოტრიმაზოლი კრემი B.P. 1%
 CLOTRIMAZOLE CREAM B.P. 1%

შემადგენლობა:
აქტიური სუბსტანცია:
კლოტრიმაზოლი B.P. 1.0 % 
არააქტიური სუბსტანციები: დინატრიუმის ეთილენდიამინტეტრაძმარმჟავა(EDTA), გასუფთავებული წყალი, ქლოროკრესოლი, თეთრი პეტროლიუმის ჟელე, ცეტოსტეროილის სპირტი, ცეტომაკროგოლი 1000, გლიცერილ მონოსტეარატი, მსუბუქი თხევადი პარაფინი, პროპილენგლიკოლი. 
პრეპარატის აღწერა:
თეთრი ფერის გლუვი კრემი. 
ფარმაკოლოგიური ჯგუფი:
გარეგანი გამოყენების სოკოს საწინააღმდეგო საშუალებები.
ფარმაკოდინამიკა:
კლოტრიმაზოლი არის იმიდაზოლის წარმოებული ფართო სპექტრის ანტიმიკოზური აქტივობით. 
მოქმედების მექანიზმი: კლოტრიმაზოლი მოქმედებს სოკოების წინააღმდეგ ერგოსტეროლის სინთეზის ინჰიბირების გზით. ერგოსტეროლის სინთეზის ინჰიბირება იწვევს ციტოპლაზმური მემბრანის სტრუქტურულ და ფუნქციურ დარღვევას.
ფარმაკოდინამიკური ეფექტები: 
კლოტრიმაზოლს გააჩნია ანტიმიკოზური მოქმედების ფართო სპექტრი ინ-ვიტრო და ინ-ვივო, რაც მოიცავს დერმატოფიტებს, საფუარებს, ობებს, სხვ. შესაბამისი ტესტის პირობებისას სოკოების ამ სახეობების მინიმალური ინჰიბიტორული კონცენტრაციის (MIC) მნიშვნელობები არის 0.062-4(-8) მგ/მლ სუბსტრატზე ნაკლები. კლოტრიმაზოლის მოქმედების მექანიზმი არის უპირატესად ფუნგისტატიკური. ინ-ვიტრო აქტივობა შემოიფარგლება სოკოვანი ელემენტების გამრავლებით, სოკოვანი სპორები მხოლოდ უმნიშვნელოდ მგრძნობიარეა. ანტიმიკოზური მოქმედების გარდა, კლოტრიმაზოლს აგრეთვე გააჩნია Trichomonas vaginalis, გრამდადებითი მიკროორგანიზმების (Streptococci/Staphylococci), და გრამუარყოფითი მიკროორგანიზმების (Bacteroides/Gardnerellavaginalis) საწინააღმდეგო მოქმედება.
ინ-ვიტრო კლოტრიმაზოლი აინჰიბირებს Corynebacteria და გრამდადებითი კოკების გამრავლებას, გარდა ენტეროკოკებისა 0.5-10 მგ/მლ სუბსტრატის კონცენტრაციებით და ახდენს ტრიქომონაციდურ მოქმედებას 100მგ/მლ-ზე. მგრძნობიარე სოკოს სახეობების რეზისტენტული ვარიანტები ძალიან იშვიათია; მგრძნობიარე სოკოების მიერ მეორადი რეზისტენტობის განვითარება ჯერჯერობით აღინიშნა მხოლოდ ცალკეულ შემთხვევებში თერაპიულ პირობებში. 
ფარმაკოკინეტიკა: 
ჩატარებულმა ფარმაკოკინეტიკურმა კვლევებმა დერმატოლოგიურად გამოყენების შემდეგ აჩვენა, რომ კლოტრიმაზოლი ადამიანის სისხლის მიმქოცევაში მინიმალურად შეიწოვება დაუზიანებელი ან ანთებითი კანიდან. კვლევის შედეგად მიღებული კლოტრიმაზოლის  პიკური კონცენტრაცია შრატში შეადგენდა აღმოჩენის ზღვარს ქვემოთ 0,001 მკგ/მლ. რაც იმას ნიშნავს, რომ გარეგანად გამოყენებულმა კლოტრიმაზოლმა ნაკლებად სავარაუდოა გამოიწვიოს  სისტემური ეფექტები ან გვერდითი მოვლენები. 
ჩვენებები:
შემდეგი დაავადებების სამკურნალოდ:
. ყველა სახის ობისა და სხვა სოკოებით (მაგ.Trichophyton სახეობები) გამოწვეული დერმატომიკოზები, მაგ. ტერფის დერმატომიკოზი (tinea pedis), საზარდულის დერმატომიკოზი (tinea cruris) და ტანის დერმატომიკოზი (tinea corporis).
    საფუარებით გამოწვეული ყველა სახის დერმატომიკოზი (კანდიდას სახეობები), მაგ. candidavulvitis, candida balanitis.
    ობისა და სხვა სოკოებით გამოწვეული დერმატომიკოზები.
    ამ სოკოებით გამოწვეული კანის დაავადებების მეორადი ინფექციები.
დოზირება და მიღების წესი:
გარეგანი გამოყენებისათვის. დაზიანებული არე უნდა მოიბანოთ და კარგად გაიმშრალოთ. კლოტრიმაზოლის კრემის თხელი ფენა თანაბრად უნდა შეიზილოთ დღეში ორჯერ. მკურნალობა უნდა გაგრძელდეს 2-4 კვირა ინფექციის ყველა ნიშნის გაქრობის შემდეგ მიკოლოგიური განკურნებისა და რეციდივის პრევენციის უზრუნველსაყოფად.
მოზრდილები და ბავშვები 12 წლის ასაკიდან ინფექციის სახეობის მიხედვით: 
კანდიდოზი (გარეგანი): დღეში ორჯერ 4 კვირამდე.
Pityriasisversicolor (tineaversicolor): დღეში ორჯერ 4 კვირამდე
Tineacorporis: დღეში ორჯერ 4 კვირამდე.
Tineacruris: კრემი დღეში ორჯერ 4 კვირამდე.  
უკუჩვენებები:
მომატებული მგრძნობელობა კლოტრიმაზოლის ან პრეპარატის რომელიმე კომპონენტის მიმართ. სოკოს საწინააღმდეგო საშუალებების მიმართ იმიდაზოლის ალერგენული ჯვარედინი რეაქციულობის შესახებ დოკუმენტაცია შეზღუდულია. მიუხევადა ამისა, ქიმიური სტრუქტურის და/ან ფარმაკოლოგიური მოქმედებების მხრივ მსგავსებების გამო, სრულად არ შეიძლება ჯვარედინი რეაქციულობის შესაძლებლობის გამორიცხვა. არ გამოიყენოთ ჩვილებში, თირკმლის უკმარისობის მქონე პაციენტებში.  არ გამოიყენოთ ფრჩხილების ან თავის კანის ინფექციების სამკურნალოდ. 
გვერდითი ეფეტები:
კლოტრიმაზოლის გარეგანი გამოყენებისას იშვიათად ვითარდება კანის გაღიზიანების ისეთი სიმპტომები, როგორიცაა: ერითემა, შეშუპება, ცხელება, ქავილი, ჭინჭრის გამონაყარი და ეპიდერმისის აქერცვლა. აღნიშნული რეაქციების განვითარებისას მკურნალობა უნდა შეწყდეს და პაციენტმა  უნდა მიმართოს ექიმს. 
ურთიერთქმედება სხვა სამკურნალო საშუალებებთან: 
კრემის გამოყენებისას ლატექსის პროდუქტებთან (როგორიცაა პრეზერვატივები და დიაფრაგმები), ამ უკანასკნელთა ფუნქცია შეიძლება დასუსტდეს კრემში შემავალი დამხმარე საშუალებების (კერძოდ, სტეარატების) გამო, რამაც შედეგად შეიძლება გავლენა მოახდინოს ამ პროდუქტების უსაფრთხოებაზე. ეს მოქმედება დროებითია და აღინიშნება მხოლოდ პრეპარატის გამოყენების პერიოდში. პაციენტებს ეძლევათ რჩევა, რომ ამ პრეპარატის გამოყენების შემდეგ მინიმუმ 5 დღე გამოიყენონ კონტრაცეპციის ალტერნატიული მეთოდი. 
გაფრთხილებები და სიფრთხილის ზომები: 
კლოტრიმაზოლის გამოყენებისას გაღიზიანების ან მგრძნობელობის განვითარებისას მკურნალობა უნდა შეწყდეს და დაინიშნოს  სათანადო მკურნალობა. პაციენტს უნდა მიეცეს რჩევა, რომ პრეპარატი გამოიყენოს მკურნალობის მთელი კურსის განმავლობაში იმ შემთხვევაშიც კი, თუ არ აღინიშნება სიმპტომების გაუმჯობესება. ეს პრეპარატი შეიცავს ცეტოსტეარილის სპირტს, რომელმაც შეიძლება გამოიწვიოს კანზე ადგილობრივი რეაქციები (მაგ. კონტაქტური დერმატიტი). 
სპეციალური მითითებები:
ზემოქმედება ავტომობილების მართვისა და მექანიკური დანადგარების მართვის უნარზე:
ეს პრეპარატი მიიჩნევა უსაფრთხოდ და გავლენას არ ახდენს ფსიქოფიზიკურ შესაძლებლობებზე, სატრანსპორტო საშუალებებისა და მექანიკური დანადგარების მართვაზე. 
ორსულობა და ლაქტაცია:
ორსულობა: 
არსებობს შეზღუდული მონაცემები ორსულ ქალებში კლოტრიმაზოლის გამოყენების შესახებ. ცხოველებში ჩატარებული კვლევები აჩვენებს რეპროდუქციულ ტოქსიკურობას მაღალი პერორალური დოზების გამოყენებისას. გარეგანი მკურნალობის შემდეგ კლოტრიმაზოლის დაბალი სისტემური ექსპოზიციისას, მოსალოდნელი არ არის მავნე ეფექტები რეპროდუქციულ ტოქსიკურობასთან მიმართებაში. კლოტრიმაზოლის გამოყენება შეიძლება ორსულობის დროს, თუმცა მხოლოდ ექიმის ან მეანის ზედამხედველობით. 
ლაქტაცია: 
არსებული ფარმაკოდინამიკური/ტოქსიკოლოგიური კვლევები აჩვენებს, რომ ვენაში შეყვანის შემდეგ კლოტრიმაზოლი/მეტაბოლიტები გადადის რძეში. მიღებული უნდა იყოს გადაწყვეტილება ძუძუთი კვების შეწყვეტის ან კლოტრიმაზოლით მკურნალობის შეწყვეტის/თავის შეკავების შესახებ, ბავშვისათვის ძუძუთი კვების სარგებლისა და ქალისათვის მკურნალობის სარგებლის გათვალისწინებით. 
ფერტილურობა: 
ჩატარებული არ არის კვლევები ადამიანებში ფერტილურობაზე კლოტრიმაზოლის ეფექტების შესახებ; მიუხედავად ამისა, ცხოველებში ჩატარებული კვლევებისას არ გამოვლენილა პრეპარატის ზემოქმედება ფერტილურობაზე. 
ჭარბი დოზა:
არ არსებობს მწვავე ინტოქსიკაციის რისკი, ვინაიდან მოსალოდნელი არ არის, რომ კანზე წასმის შემდეგ აღინიშნოს გადაჭარბებული დოზირება (კანის ფართო უბნებზე პრეპარატის წასმისას ისეთ პირობებში, რაც იწვევს მომატებულ აბსორბციას), აგრეთვე შემთხვევით პერორალურად მიღების შემდეგ. არ არსებობს სპეციფიკური ანტიდოტი. შემთხვევით პერორალურად მიღებისას კუჭის გამორეცხვა იშვიათად შეიძლება იყოს აუცილებელი, თუ სიცოცხლისათვის საშიში დოზა მიღებული იყო ბოლო ერთი საათის განმავლობაში, ან თუ სახეზეა ჭარბი დოზირების სიმპტომები (მაგ. თავბრუსხვევა, გულისრევა, ღებინება). კუჭის გამორეცხვა შეიძლება ჩატარდეს, თუ უზრუნველყოფილია სასუნთქი გზების სათანადო დაცვა. 
შენახვის ვადა:
24 თვე.
შენახვის პირობები:
ინახება 30°C-მდე. დაიცავით მზის სხივების პირდაპირი ზემოქმედებისაგან. პრეპარატი შეინახეთ ბავშვებისთვის მიუწვდომელ ადგილას. 
შეფუთვა: 
ტუბი 15გ კრემის შემცველობით მოთავსებულია მუყაოს კოლოფში ინსტრუქციასთან ერთად. 
გაცემის წესი:
ფარმაცევტული პროდუქტის ჯგუფი - III, გაიცემა რეცეპტის გარეშე

იმპორტს და დისტრიბუციას ახორციელებს კომპანია:
შპს იბერი +
თამარ მეფის გამზირი 29,
თბილისი, საქართველო 
მწარმოებელი:
MAGBRO HEALTHCARE PVT. LTD. 
სოფ. - მეჰსატიბბა, ს.ყ. - მანჯჰოლი, ტეჰ - ნალაგარჰი,
სოლანის ოლქი - 174101, ჰიმაჩალ პრადეში, ინდოეთი.